Fiat-Chrysler կոնցեռնի նախագահ Սերջիո Մարկիոնեն գնահատել է կոնցեռնի կազմի մեջ մտնող Ferrari ընկերությունը 10 միլիարդ եվրո, որից մեկ միլիարդը իտալացիները պատրաստվում են ստանալ Ferrari-ի ակցիաների ազատ վաճառքից: Այս մասին հայտնում է auto.vesti.ru-ն:
Ակցիաների նախնական տեղադրումը պլանավորված է հոկտեմբերին Նյու Յորքյան ֆոնդային բորսայում: Սակայն Bloomberg գործակալության տվյալներով, վաճառքի կհանվեն լավագույն դեպքում արժեթղթերի 10%-ը (մոտ մեկ միլիարդ եվրոյի չափով): 10% էլ կմնա ընկերության հիմադրի որդուն և ներկայիս տնօրենների խորհրդի փոխնախագահ Պյերո Ֆերարիին, իսկ մնացած 80%-ը կբաժանվի Fiat-Chrysler կոնցեռնի հիմնական ներդրողների միջև:
Այդ միջոցով Սերջիո Մարկիոնեն պլանավորում է լրացնել բյուջեն, որը նա պատրաստվում է ուղղել կոնցեռնի կատարելագործմանը և շուկայում նրա դիրքը ամրապնդելուն:
