Դաղստանի Լևաշինսկի շրջանի Թաշկապուր գյուղում այս գիշեր սպանվել են չորս գրոհայիններ, այդ թվում` գրոհայինների ղեկավար Իսրապիլ Վալիջանովը: Այս մասին հաղորդում է RBC-ն: Գրոհայինները սպանվել են այն ժամանակ, երբ ոստիկանները փաստաթղթերը ստուգելու համար երկու մեքենա են կանգնեցրել: Այն ժամանակ, երբ մեքենաների միջից կրակ է բացվել ոստիկանների վրա, գրոհայինները ոչնչացվել են: Ոստիկանները չեն տուժել:
Հայտնի է, որ Վալիջանովը հետախուզման մեջ է եղել 2006 թվից: Նա Դաղստանի գրոհայինների խումբը գլխավորում էր այն բանից հետո, երբ 2010 թ. սպանվել էր Կովկասի Իմարաթի Դաղստանի ճակատի ղեկավար Մագոմեդ Վագաբովը: Նրան մեղադրում էին մի շարք ահաբեկչական գործողությունների մեջ, այդ թվում՝ 2010 թ. Բույնակսկում ռազմական փորձադաշտում տեղի ունեցած պայթյունը կազմակերպելու մեջ:
