Հետաքննությունը խնդրում է երկարաձգել հայ գործարար Լևոն Հայրապետյանի տնային կալանքի ժամկետը: Այս մասին RIA Novosti-ին հայտնել է նրա փաստաբան Ռուբեն Մարգարյանը:
«Հետաքննության միջնորդության քննությունը տեղի կունենա հուլիսի 3-ին Մոսկվայի քաղաքային դատարանում»,- ասել է պաշտպանը:
Ավելի վաղ Հայրապետյանի պաշտպանը բողոքարկել էր տնային կալանքի որոշումը և դատարանին խնդրել խափանման միջոցը փոխարինել չբացակայելու մասին ստորագրությամբ՝ վկայակոչելով Հայրապետյանի առողջական վատ վիճակը: Սակայն դատարանը մերժել էր բողոքը:
Հիշեցնենք՝ ավելի վաղ Հայրապետյանի փաստաբանը հայտնել էր, որ իր պաշտպանյալի գործն առանձնացվել է «Բաշնեֆտի» ընդհանուր գործից, և գործում միայն մեկ դրվագ է մնացել: «Մեր գործն առանձնացվել է, և մեզ մոտ մնացել է միայն (Իգոր) Իզմեստևից (սպանությունների կազմակերպման համար դատապարտված նախկին սենատոր) միջոցների յուրացման դրվագը»,- հայտարարել էր պաշտպանը Մոսկվայի Բասմանի դատարանի նիստում:
