Նոր Զելանդիայում ամուսիններ Հյու և Ջոան Նիզերը մահացել են նույն օրը՝ 2 ժամ տարբերությամբ, հայտնում է The Telegraph-ը:
Ամուսինը 94 տարեկան էր, իսկ կինը՝ 92: Նրանք համատեղ ապրել են 67 տարի և մահացել ծերանոցում:
Ինչպես հաղորդել են նրանց բարեկամները, նրանք երբեք չեն բաժանվել իրարից: Հյուն և Ջոանը միշտ ասել են, որ չեն ուզում ապրել առանց իրար:
Առաջինը մահացել է ամուսինը, ով տառապում էր քաղցկեղից: Իսկ 2 ժամ անց նրա կնոջ մոտ կաթված է տեղի ունեցել:
Զույգը ուներ 5 երեխա, որոնցից երկուսը մահացել են ծնողներից առաջ:
