Microsoft-ը պատրաստվում է սկսել բջջային Windows Phone օպերացիոն համակարգի հերթական տարբերակի մշակումը: Ենթադրաբար, նոր օպերացիոն համակարգը կթողարկվի տարեվերջին՝ նախատոնական սպառողական բումի նախաշեմին: Այս մասին հայտնում է Vesti-ն:
Microsoft-ը Windows Phone-ի հաջորդ տարբերակի վրա աշխատանքի համար թեստ-մասնագետ է պահանջում: Ընկերության տարածած հայտարարության մեջ չի նշվում, սակայն, թե կոնկետ ինչ փոփոխություններ կլինեն Windows Phone-ում:
Ենթադրվում է, որ նրանում կհայտնվի ծանուցումների միասնական կենտրոն, որն արդեն իրականացվել է iOS և Android օպերացիոն համակարգերում: Հավանաբար, Windows Phone-ի նոր տարբերակը Windows 8 պլատֆորմով համակարգչի և բջջային հեռախոսի միջև ինտեգրացիան ավելի ամբողջական կդարձնի: