ԿԺԴՀ-ի Գրողների միության անդամները մի քանի պոեմ են ստեղծել՝ նվիրված միջուկային փորձարկումներին, ինչպես նաև՝ արբանյակով հրթիռի արձակմանը, որը հաջողությամբ իրագործվել է այդ երկրում: Ստեղծագործությունները հակաամերիկյան հռետորության բնույթ ունեն: Այս մասին հայտնում է Interfax-ը՝ հղում անելով Կորեայի Կենտրոնական լրատվական գործակալությանը:
Պոեմներում գովում են «ԿԺԴՀ-ի բանակի և ժողովրդի վճռականությունը՝ ջախջախիչ հարված հասցնելու ամերիկյան իմպերիալիստներին ու նրանց կողմնակիցներին», որոնց թվում ավանդաբար հասկացվում է Հարավային Կորեան: Պոեմներն անվանվել են «Մենք երկինքը կծակենք մեր արբանյակներով», «Մենք միջուկային պայթյուն ենք առաջացրել», «Մենք ամերիկացի իմպերիալիստներին մահվան ենք դատապարտում», «Կորեան պատասխանում է»:
ԿԺԴՀ-ում «հրամանի դեպքում մեկ հարվածով հրահրողներին ճնշելու և հայրենիքը հաջող միավորելու զինծառայողների ու ժողովրդի» պատրաստակամությանը նվիրված փոստային նամականիշներ են ստեղծվել: Գործակալության տվյալներով՝ նամականիշների վրա կան հետևյալ գրառումները. «Գեներեալի զինվորները միշտ պատրաստ են գործել» և «Խնդրում ենք, հրամայեք մեզ գործել»:
2012-ի դեկտեմբերին ԿԺԴՀ-ն, չնայած ՄԱԿ-ի դեմ լինելուն, տիեզերք է ուղարկել «Կվանմենսոն-3» արբանյակով «Ինհա-3» հրթիռը, իսկ 2013-ի փետրվարին միջուկային փորձարկումներ է կատարել:
