Երեկ մենք տեղեկացրել էինք, որ Լիբիայի առաջնորդ Մուամար Քադաֆին իր` ժողովրդի հետ միասնությունը ցույց տալու համար շարասյունով անցել էր Տրիպոլիի փողոցներով:
Լիբիայի պետական հեռուստատեսությամբ ցուցադրված կադրերից մեկում պարզ երևում է, թե ինչպես է Քադաֆիի մեքենան վրաերթի ենթարկում իր իսկ կողմնակիցներից մեկին:
Ավտոերթի ժամանակ նրա կողմնակիցներից մեկը բռնվել էր մեքենայի դռնից: Սակայն երբ մեքենան ավելացրել է ընթացքը, այդ երիտասարդը վայր է ընկել, և մեքենան անցել է նրա վրայով: Հաշվի առնելով այն, թե ինչպես մեքենայի հետևի մասը վեր թռավ, հնարավոր է, որ երիտասարդը լուրջ վնասվածքներ ստացած լինի: