Euromag.ru-ի փոխանցմամբ՝ բրիտանացի պատգամավորները ըստ ամենայնի հարկադրված կլինեն մի քանի տարով լքել Թեմզա գետի ափին գտնվող Վեսթմինսթերյան պալատը: Այն վերանորոգելու են 6 կամ 32 տարում: Անկախ փորձագետները չեն բացառում, որ պալատի վերանորոգումը կարող է տևել 32 տարի:
Բրիտանական խորհրդարանի շենքը չի վերանորոգվել ավելի քան 60 տարի: Նրա տանիքը կարող է փլվել: Կա նաև հրդեհի առաջացման վտանգ: Ճակատային մասի մի շարք հատվածներ այնքան փխրուն են, որ դրանք կարելի է քանդել ձեռքով: Փոփոխման ենթակա են շենքի նկուղում գտնվող խողովակները, ինչպես նաև էլեկտրական մալուխները:
Զեկույցում նշված է, որ եթե Համայնքների պալատն ու Լորդերի պալատը հերթականությամբ ժամանակավորապես տեղափոխվեն այլ շինություն, ապա հարկատուները հարկադրված կլինեն վճարել մոտ 6.16 մլն եվրո: Իսկ եթե նրանք հրաժարվեն ընդհանրապես, ապա վերանորոգումը կարող է արժենալ մինչև 10 միլիոն եվրո և ձգձգվել 32 տարի: Կառավարությունը վերջնական որոշումը պետք է ընդունի 2016 թվականի գարնանը:
