Իտալական «Միլան»-ի ղեկավարությունը շարունակում է բանակցել այլ ակումբներում հանդես եկող ֆուտբոլիստների հետ, տեղեկացնում է La Gazzetta dello Sport-ը:
Ըստ աղբյուրի` իտալական ակումբը ցանկանում է թիմ հրավիրել անգլիական «Մանչեսթեր Սիթի»-ի հարձակվող Ստևան Յովետիչին:
25-ամյա հարձակվողի ծառայություններով անձամբ հետաքրքրված է թիմի նորանշանակ գլխավոր մարզիչ Սինիշա Միխայլովիչը:
Բացի այդ, «Սան-Սիրո»-ում կարող է ևս մեկ նորեկ լինել: Միխայիլովիչը, ով ժամանակին մարզել է «Ֆիորենտինա»-ն, հետաքրքրված է նաև Մուհամեդ Սալահի ծառայություններով, ում տրանսֆերային իրավունքները պատկանում են Լոնդոնի «Չելսի»-ին:
Հիշեցնենք, որ այժմ «Միլան»-ը բանակցություններ է վարում «Պորտու»-ի և ՊՍԺ-ի հարձակվողներ Ջեքսոն Մարտինեսի և Զլատան Իբրահիմովիչի հետ:
