Իսրայելը վերսկսել է Գազայի հատվածի հետ հսկիչ անցակետերի աշխատանքը, որոնք փակվել էին մի քանի օրով՝ ի պատասխան պաղեստինյան հրթիռակոծման: Այս մասին RIA Novosti-ին հայտնել է բանակային մամլո ծառայության աշխատակցուհին:
Աղբյուրի խոսքով՝ երկուշաբթի առավոտից նորից բացվել է «Էրեզ» հսկիչ-անցակետը, որն օգտագործվում է մարդկաց անցման համար, և «Քերեմ-Շալոմը», որը նախատեսված է կոմերցիոն և մարդասիրական բեռների փոխադրման համար: Եգիպտոսի կողմից բլոկադայի պայմաններում պաղեստինյան անկլավն արտաքին աշխարհի հետ կապի այլ ուղի չունի:
«Այսօրվանից անցումները նորից բաց են»,- ասել է Իսրայելի պաշտպանության բանակի մամլո ծառայության աշխատակցուհին:
Վերջին 2 շաբաթում պաղեստինցիները 3 անգամ հրթիռ են արձակել Իսրայելի հարավի ուղղությամբ՝ խախտելով զինադադարը, որը օգոստոսին դադարեցրել էր Գազայի խմբավորումների հետ իսրայելական բանակի 50-օրյա հակամարտությունը: Յուրաքանչյուր գնդակոծությանն Իսրայելը պատասխանել է գրոհայինների օբյեկտների «կետային» ռմբակոծություններով, իսկ որպես շաբաթ օրվա վերջին ռմբակոծության պատասխան՝ նաև փակել են սահմանային երկու անցակետերը: Հարվածների փոխանակման հետևանքով 2 կողմից տուժածներ չկան:
