«Ավագ դպրոցը դեռ կայացման, զարգացման խնդիր ունի, առանց կրկնուսույցի մոտ պարապելու երեխաները չեն կարող ընդունվել»,- «Առաջին լրատվական»-ի հետ զրույցում նշեցին ԵՊՀ քննական կենտրոնի դիմաց հավաքված մի շարք ծնողներ:
Նրանց պնդմամբ՝ այսօր առհասարակ դպրոցներում կրթության մակարդակը շատ ցածր է: Ծնողները նշեցին, որ ի տարբերություն նախորդ տարիների դիմորդների՝ իրենց երեխաները պարապել են 1 տարի։ Պատճառն այն է, որ թեստերն ավելի պարզեցվել են: Ծնողները հայտնեցին, որ իրենց երեխաները պարապել են 2 և ավելի առարկաներ. «Առարկա կա՝ ամսական 20 հազար դրամով են պարապել, առարկա կա՝ 30-35»,- նշեցին նրանք՝ վստահեցնելով, որ այս գներով վճարել են դեռ ծանոթի միջոցով, այսպես ասած՝ շուկայական գներն ավելի բարձր են:
Մի շարք ծնողներ էլ ընդգծեցին, որ երեխաներին ուղարկել են պարապելու հենց իրենց հանգստության համար. «Դե, տենց ավելի հանգիստ կլինեինք, լրացուցիչ գիտելիք է, էլի, բայց գուցե ավագ դպրոցի գիտելիքով էլ ընդունվեին»,- նշեցին նրանք։
Մանրամասները՝ տեսանյութում։
