Հնդկաստանն ակնկալում է արագ ավարտել բանակցությունները ԵՏՄ-ի հետ համապարփակ տնտեսական գործընկերության հարցով։ Այս մասին հայտարարել է Հնդկաստանի նախագահ Պրանաբ Մուկերջին՝ փոխանցում է RIA Novosti-ն։
Ներկայումս ԵՏՄ անդամներ են Հայաստանը, Բելառուսը, Ղազախստանն ու Ռուսաստանը։ Ավարտին է մոտենում Ղրղըզստանի միացման ընթացակարգը։
«Մենք հետաքրքրված ենք ԵՏՄ-ի հետ փոխգործակցությամբ»,- ասել է Հնդկաստանի նախագահը բելառուսական Belta գործակալության հետ հարցազրույցում։ Ինչպես սպասվում է, այս շաբաթ Մուկերջին առաջին պաշտոնական այցով կժամանի Բելառուս։
Նրա խոսքով՝ ԵՏՄ-ի հետ Հնդկաստանի համապարփակ տնտեսական գործընկերության հարցով բանակցությունները լավ են ընթանում։ «Մենք մեր առջև դրել ենք հավակնոտ ժամկետներ՝ ամբողջ գործընթացն ավարտելու համար»,- ասել է նախագահը։
