Այսօր գյուղնախարարության բուսաբուծության վարչության պետ Գագիկ Մանուչարյանից փորձեցինք ճշտել՝ ջերմաստիկանի վերջին տատանումները բերքատվության վրա ազդեցություն կունենա՞ն, թե՞ ոչ: Ի պատասխան՝ բուսաբուծության վարչության պետը ասաց, որ տատանումները որոշ չափով բերքատվության վրա իրենց ազդեցությունը կունենան, բայց դա շատ չնչին կլինի:
«Ընդհանրապես, եղանակի տատանումներից տուժում են այն ծառերը որոնք ծաղկել են, կամ պտուղ է ձևավորվում, բայց որոնք որ չեն ծաղկել, դրանք խնդիրներ չեն ունենա: Հիմա տեսեք՝ Սյունիք, Գեղարքունիք, Շիրակ՝ այստեղ էլ ծառեր կան, չէ՞, սակայն այստեղի ծառերը դեռ բողոբոջ, ծաղիկ չեն տվել: Այստեղ բացարձակապես խնդիր չենք ունենա: Քնած ժամանակ բողոբոջի համար ցուրտ կլինի, տաք կլինի՝ էական չէ, որովհետև չի ազդում:
Վտանգը միայն Արարատյան դաշտավայրում է, որտեղ արդեն ծիրանը ծաղկել էր, բայց պտուղը նոր էր ձևավորվում, հետևաբար բերքի կորուստ չենք ունեցել»,- ավելացրեց Գագիկ Մանուչարյանը:
