Բալթյան երկրներին անհրաժեշտ է բանակցություններ սկսել հակահրթիռային պաշտպանության (ՀՀՊ) միասնական համակարգի ստեղծման մասին: Հինգշաբթի օրը նման եզրահանգման են եկել Լատվիայի, Լիտվայի և Էստոնիայի պաշտպանական գերատեսչությունների ղեկավարները` Լիտվայի Պանևեժիս քաղաքում հանդիպման արդյունքում, գրում է TASS-ը:
Նշվում է, որ Լատվիան հետաքրքրված է այն բանում, որ բանակցությունները սկսվեն արդեն հաջորդ տարվա սկզբին և առնչվեն ոչ միայն ՀՀՊ-ներին, այլև գնումներին:
«ՀՀՊ համակարգերի համաձայնեցված գնումը շատ կարևոր և գործնական քայլ կդառնար Բալթյան երկրների երկարատև պաշտպանունակության ամրապնդման հարցում, ինչպես նաև թույլ կտար ֆինանսական միջոցներ տնտեսել, թեթևացնել ուսումնասիրվող ծրագրերի համակարգերի դյուրացումը և մշակումը»,- հայտարարել է Լատվիայի պաշտպանության նախարար Ռայմոնդս Վոյենիսը:
