«Էլեկտրաէներգիայի թանկացման պարագայում «Նաիրիտի» վերագործարկումը անհնարին կդառնա»,- «Առաջին լրատվական»-ի հետ զրույցում նշեց «Նաիրիտ» գործարանի մամուլի նախկին քարտուղար Անուշ Հարությունյանը՝ հավելելով, որ նաիրիտցիները ամպայման կազմ-պատրաստ մասնակցելու են «Ոչ թալանին» նախաձեռնության հավաք երթին: Նա մանրամասնեց՝ եթե հիմա հնարավոր է «Նաիրիտը» շահագործման ենթարկել ընդամենը 55-65 մլն դոլարով, ապա Էլեկտրաէներգիայի թանկացման պարագայում անհրաժեշտ կլինի նշվածի կրկնակի գումարը: «Իսկ մենք հիմա պայքարում ենք ոչ միայն մեր աշխատավարձերի պարտքի մարման, այլ նաև գործարանի վերագործարկման համար»,- ընդգծեց նա:
Անուշ Հարությունյանը նաև նկատեց, որ առանց այն էլ նաիրիտցիները կանգնած են փաստի առջև, մի կերպ են, պարտքեր վերցնելով, մարում կոմունալ վճարները, Էլեկտրաէներգիայի թանկացումից հետո իրավիճակն ավելի կսրվի: Նաիրտցիներին աշխատավարձերի մասով դեռևս ոչ մի կոնկրետ բան չի ասվել՝ 18-24 ամսվա աշխատավարձերի պարտքի մարման մասով:
Նաիրիտցիները 18 :00-ին կառավարության դիմաց կհավաքվեն և բոլորով կշարժվեն դեպի Ազատության հրապարակ՝ ընդդեմ էլեկտրաէներգիայի թանկացման և թալանի:
Լուսանկարը՝ Photolure-ի