Լեհաստանի նախագահական ընտրությունների երկրորդ փուլում Անջեյ Դուդայի հաղթանակը կարող է գրանցել շրջադարձ աջակողմյան քաղաքական օրակարգում, ինչը կարող է վերածվել «Լեհաստանի արտաքին քաղաքականության գիշերային մղձավանջի», նաև՝ հարաբերությունների վատթարացման ինչպես Եվրամիության, այնպես էլ Ռուսաստանի հետ: Այսպիսի կարծիք է հայտնել Վարշավայի անկախ վերլուծական կենտրոններից մեկի նախագահ Յացեկ Կուխարչիկը, որի խոսքերը փոխանցում է The Guardian-ը:
«Դա (Լեհաստանի նախագահական ընտրություններում Դուդայի հաղթանակը) Լեհաստանի արտաքին քաղաքականության համար կարող է վերածվել գիշերային մղձավանջի, քանի որ դա կարող է նշանակել հակամարտություն Գերմանիայի հետ և ագրեսիվ հռետորաբանություն՝ Ռուսաստանի նկատմամբ: Մենք այժմ գտնվում ենք տատասկոտ ճանապարհին: Միակ հարցը՝ որքան փշոտ այն կլինի»,- ասել է վերլուծաբանը:
Ինչպես նշում է The Guardian-ը, չնայած արագ տնտեսական աճին և երկրում «աննախադեպ կայունությանը»՝ այնուամենայնիվ, լեհ ընտրողները հստակ ազդանշան են հղել այն մասին, որ իրենք դժգոհ են պաշտոնական Վարշավայի դիրքորոշումից: Իսկ Լեհաստանի շրջադարձը դեպի ազգայնականություն երկիրը կարող է պակաս գրավիչ դարձնել արտասահմանյան ներդրողների համար:
