«Առաջին լրատվական»-ի հետ զրույցում Եվրադատարանում Հայաստանի նախկին դատավոր Ալվինա Գյուլումյանը հորդորում է ՄԻԵԴ-ում ՀՀ դատավորի թեկնածուների ցուցակի մերժումը որպես սենսացիա չընդունել, քանի որ կան երկրներ, որոնք ավելի հաճախ են մերժվում, քան Հայաստանը: «Պետք չի ընդունել՝ որպես սենսացիա, անկեղծ եմ ասում, որովհետև, տարբեր երկրների պարագայում շատ անգամ են հետ տվել: Իմ սլովակ կոլեգան, որի հետ աշխատում էինք Եվրոպական դատարանի նույն պալատում, 2013 թվականի հոկտեմբերին նրա ժամկետը լրանում էր, Եվրոպական կոնվենցիայի համաձայն, դատավորը հեռանում է, երբ իրեն փոխարինողը ընտրվում է: Եթե կամովին չի հեռանում, իմ սլովակ կոլեգան դեռ պաշտոնավարում է, քանի որ ցուցակն անընդհատ հետ են տալիս»,-ասաց նա:
Ինչ վերաբերում է այն գնահատականներին, որ ընտրությունները անօրինական էին, նշեց. «Անկեղծ ասած, ես գնահատական տալ չեմ կարող, ես պետք է փաստերը ունենամ, համենայն դեպս, ընտրված երեք թեկնածուների դեմ ես անձնական առարկություններ չունեմ…»:
