Բրիտանացի դերասանուհի Քեթրին Զետա Ջոնսը տառապում է դեպրեսիայից և ստիպված է եղել մի քանի օր անցկացնել հոգեբուժական կլինիկայում: Այս մասին հաղորդում է բրիտանական BBC-ն:
Նրա մոտ հայտնաբերվել է երկբևեռ աֆեկտիվ խանգարում: Որպես պատճառ նշվում են 2010 թ. նրա ընտանիքում տեղի ունեցած ծանր իրադարձությունները, երբ նա ստիպված է եղել երկար ժամանակ անցկացնել քաղցկեղով հիվանդ ամուսնու` հանրահայտ դերասան Մայքլ Դուգլասի կողքին: Զետա Ջոնսի համար կրկնակի հարված էր եղել այն փաստը, որ բժիշկները, չնայած բազմաթիվ ախտանիշներին, ժամանակին չէին կարողացել գտնել իր ամուսնու հիվանդության իրական պատճառը. «Մայքլը ժամանակին հանձնել էր բոլոր անալիզները, և նրա մոտ ոչինչ չէին հայտնաբերել: Ես գիտեի, սակայն, որ մի բան այն չէ: Ինքն էլ գիտեր: Ինձ կատաղեցնում է այն, որ նրանք չեն կարողացել քաղցկեղն ավելի վաղ ախտորոշել»,- ժամանակին հայտարարել էր դերասանուհին:
Մայքլին հետագայում հաջողվել էր լիովին հաղթահարել հիվանդությունը: Զետա Ջոնսը հիմա իրեն լավ է զգում և շուտով կվերադառնա աշխատանքի:
