Greenpeace-ը պատրաստվում է այսօր հայտնվել Գինեսի ռեկորդների գրքում: Կազմակերպությունը կոչ է արել բնաության պաշտպանության խնդիրներով մտահոգ մարդկանց մասնակցել facebook սոցիալական ցանցում իրականացվող «Ջնջիր ածուխը ընկերներիդ շարքից» բնապահպանական ակցիային, որի ըթնացքում առաջարկվում է մեկնաբանություն թողնել ակցիայի էջին: Այս մասին հաղորդում է mb.com.ph կայքը:
«Այս քայլով սոցիալական կայքի օգտատերերը ձգտում են համոզել սոցիալական ցանցի ղեկավարությանը հրաժարվել ածուխից և միջուկային էներգիայից ընկերության հզորություններն գործարկելու հարցում և ամբողջովին անցնել էներգիայի վերականգնվող աղբյուրներ», նշված է Greenpeace-ի հաղորդագրության մեջ:
Greenpeace-ը կոչ է անում մինչև Երկրի օրը (ապրիլի 22-ը) մշակել և ընդունել նոր էներգետիկ ռազմավարություն, որը թույլ կտա մինչև 2020թ. ամբողջովին անցնել էներգիայի վերականգնվող աղբյուրների, այսինքն հրաժարվել «ածուխից»:
Greenpeace-ում նաև ասում են, որ եթե այսօր ակցիայի էջում թողնվի 50 հազարից ավել մեկնաբանություն, ապա Greenpeace-ը կհայտնվի Գինեսի ռեկորդների գրքու, և լրացուցիչ ուշադրություն կդարձվի բնապահպանական խնդիրներին:
