ԱՄՆ-ում դատարանը 22-ամյա Քայլ Դյուբին մեղավոր է ճանաչել Facebook-ի օգնությամբ իրականացրած սպանության մեջ՝ հաղորդում է SkyNews հեռուստաալիքը:
Երիտասարդին դատապարտել են 60 տարվա ազատազրկման:
Հետաքննության տվյալներով՝ 2013-ի մայիսին Դյուբը Facebook-ում կիրառել է կեղծ օգտահաշիվ`15-ամյա Նիկոլ Քեյբլի հետ հանդիպելու համար: Այդ նպատակով նա ներկայացել է որպես աղջկա նախկին զուգընկեր և պայմանավորվել հանդիպման մասին:
Նշվում է, որ դատապարտյալը պատրաստվել է դիմակով բեմադրել աղջկա առևանգումը, ապա վերադառնալ՝ ցույց տալով, թե իբր ինքն է փրկել նրան:
Մեղադրող կողմը կարծում է, որ Դյուբը պատրաստվել է աղջկա հետ սեքսով զբաղվել, բայց արդյունքում խեղդել է նրան: Նա փորձել է թաքցնել սպանության հետքերը՝ մարմինը ծածկելով տերևներով ու ճյուղերով:
