«Օրըստօրե իրավիճակը բարդանում ու վատանում է, իսկ ամենամեծ խնդիրներից մեկը նաև այն է, որ իշխանությունները ժխտում են ճգնաժամի գոյությունը երկրում»,-ասաց ԱԺ ՀԱԿ խմբակցության ղեկավար Լևոն Զուրաբյանը:
Նրա խոսքերով, եթե վիճակն ավելի վատ է քան Ռուսաստանում, որն այնուամենայնիվ, ստեղծել է ճգնաժամային կառավարման մարմիններ, ընդունել է, որ գոյություն ունի ճգնաժամ և մշակել է ճգնաժամի հաղթահարման ծրագիր, ինչո՞ւ Հայաստանը, որ ավելի վատ վիճակում է, ժխտում է այդ ճգնաժամի գոյությունը:
«Կառավարությունը դրան ոչ մի պատասխան չտվեց ու մինչև հիմա չի էլ տվել: Այս ամենը ինձ բերում է մի եզրակացության, որ մեր իշխանություններն անմեղսունակ են: Ուրիշ գնահատական ես չեմ կարող տալ, որովհետև պրոբլեմները չտեսնել և վստահ ձեռքով երկիրը տանել դեպի կործանում կարող են միայն անմեղսունակ կառավարիչները»,-նշեց Զուրաբյանը:
