Ըստ Газета.Ru-ի` Վրաստանում երեկ հրազենից վիրավորվել են Իրակլի Օքրուաշվիլիի ընդդիմադիր «Վրացական կուսակցության» ներկայացուցիչ Ամիրան Իոբաշվիլիի ընտանիքի անդամները։ Դեպքը տեղի է ունեցել երեկ՝ Թբիլիսիի ժամանակով ժամը 20։00–ին, մայրաքաղաքի Պեկինի պողոտայում գտնվող տարադրամի փոխանակման կետի մոտ, որտեղ աշխատում են Ամիրան Իոբաշվիլիի որդին եւ հարսը՝ Կոկա Իոբաշվիլին եւ Անի Կիկնաձեն։
Ամիրան Իոբաշվիլին հայտնել է, որ իր որդու եւ հարսի վրա կրակ են բացել նրանց՝ աշխատավայրից դուրս գալու ժամանակ։ Վիրավորներին տեղափոխել են Հանրապետական հիվանդանոց, որտեղ նրանց համապատասխան օգնոթյուն է ցուցաբերվել։ Ամիրան Իոբաշվիլին այս դեպքը կապում է իր քաղաքական գործունեության հետ։ 2008թ. Ամիրանը ծեծի էր ենթարկվել 5 դիմակավորների կողմից, որոնց գտնել մինչ օրս չի հաջողվել։