Աբովյան քաղաքի թիվ 1 միջնակարգ դպրոցում տեղակայված 28/15 ընտրատեղամասում քվեարկությանը մասնակցեց ակնհայտորեն հոգեկան շեղումներ ունեցող մի քաղաքացի: Նա չէր կարողանում քվեարկել, և հանձնաժողովի նախագահը ընտրողներից մեկին հանձնարարեց նրան օգնել: Ընտրողը կնոջ ձեռքից վերցրեց քվեաթերթիկը, ապա վերադարձրեց նրան, սակայն այդ կինը չէր ասել, թե ում օգտին պետք է ընտրել: Ընտրող քաղաքացին ասաց, որ այդ կինը թաքուն ասել է, թե ում օգտին քվեարկի:
«Առաջին լրատվական»-ի հարցին՝ դուք ասե՞լ եք՝ որ թեկանծուի օգտին քվեարկությունը կատարվի, «քվեաթերթիկի տերը» պատասխանեց, թե ասել է՝ քվեարկի ցեխի վարիչի օգտին, «իմ ցեխի վարիչն ա ինձ գժանոցից հանել, բա ո՞ւմ պետք է ընտրեմ»։ Փաստորեն, այդ կինը իր փոխարեն ընտրողին չէր ասել, թե ում ընտրի:
Ընտրատեղամասի նախագահ Մարտին Հովհաննիսյանը մեր հարցին՝ այդ կինը ընտրելու իրավունք ունե՞ր, պատասխանեց, թե նա փաստաթուղթ չունի, որ հիվանդ է, և ինքը չի կարող նրան զրկել ընտրական իրավունքից: Որևէ մեկը չի կարող ապացուցել, որ նա հիվանդ է: Սակայն մինչև մեր թղթակցի հետ զրուցելը հանձնաժողովի անդամներն ու դիտորդները, որոնք Աբովյան քաղաքից են, ծիծաղում էին, թե այդ կինը՝ Ջուլիետա Մնացականյանը, գիժ է:
Իսկ երբ հարց ուղղվեց՝ նրանք խուսափեցին այդ մասին խոսելուց:
Ի դեպ, հանձնաժողովի նախագահ Մ. Հովհաննիսյանը ՀՅԴ անդամ էր: Նա ասաց, որ իր քվեաթերթիկն անվավեր է:
