Էկվադորում համընդհանուր ընտրությունների առաջին փուլը կընթանա կիրակի: Քաղաքացիները պետք է կողմնորոշվեն, թե թեկնածուներից ով կկառավարի երկիրը առաջիկա 4 տարիների ընթացքում: Այս մասին հայտնում է RIA Novosti-ն:
Ամենամեծ հնարավորություններն ունի գործող նախագահ Ռաֆայել Կորեան: Ընտրություններին ընդհանուր առմամբ մասնակցում է 8 թեկնածու: Վերջին հարցումների տվյալներով՝ Կորեայի օգտին պատրաստ է քվեարկել ընտրության իրավունք ունեցող քաղաքացիների գրեթե 50%-ը: Նրա հիմնական մրցակիցը նախկին բանկիր Գիլերմո Լասոն է, որի օգտին լավագույն դեպքում կարող է քվեարկել էկվադորցիների 20%-ը:
Էկվադորցիները ընտրում են նաև խորհրդարանի պատգամավորներին: Ընդհանուր առմամբ ընտրություններին կմասնակցեն գրեթե 11.6 մլն էկվադորցիներ:
