Windows-ի վերջին նորացման ժամանակ ուղղված սխալներից շատերը, պարզվում է, Microsoft-ի համար հայտնաբերել էին մրցակիցները Google-ից:
Առաջին անգամ չէ, որ Google-ի աշխատակիցները մասնակցում են Microsoft-ի արտադրանքների պաշտպանական միջոցների նորացմանը, սակայն վերջերս նրանց գործունեությունն աննախադեպ ակտիվացել է: Նրանց օգնությամբ Microsoft-ը կարողացել է վերջին ամսվա ընթացքում ռեկորդային քանակությամբ 64 թերություն վերացնել, հայտնում է «Վեստի.Ռու»-ն՝ հղում անելով The Verge-ին:
Google-ի աշխատակիցները նշել են, որ ընկերության աշխատակիցները փնտրում են Microsoft-ի արտադրանքի սխալները, քանի որ դա բխում է գլոբալ տեղեկատվական համայնքի շահերից:
Ավելի վաղ ընկերություններն անհաշտ են եղել: Օրինակ՝ 2010-ի հունիսին Google-ը Windows-ում թերություններ է գտել, Microsoft-ին 5 օր տվել դրանք շտկելու համար: Ժամանակին պատասխան չստանալով՝ Google-ը հրապարակել է հնարավոր հարձակման մանրամասն սցենարը: Microsoft-ն էլ սկսել է բարձրաձայնել սխալները Google-ի արտադրանքներում:
Փետրվարի 12-ին Microsoft-ը թողարկել է իր պատմության մեջ անվտանգության խոշորագույն նորացումը Windows, Office, Internet Explorer, Word և այլ արտադրանքների համար: Նորույթն ունի անվտանգության 12 բյուլետեն, որոնք վերացնում են 57 թերություն:
