Քաղաքագետ Ստեփան Գրիգորյանը, այսօր լրագրողների հետ հանդիպման ընթացքում խոսելով թեկնածուների դասավորվածության մասին, հայտարարեց, թե միանշանակ է, որ Սերժ Սարգսյանը հաղթելու է, երկրորդ տեղը Րաֆֆի Հովհաննիսյանինն է, երրորդը՝ Հրանտ Բագրատյանինը. «Ամեն ինչ ակնհայտ է, բայց մի բան ասեմ՝ նախկինում Րաֆֆիի ու Բագրատյանի համար մաքսիմում չորս տոկոս էր կանխատեսվում, բայց քարոզարշավը շատ բան փոխեց, հիմա Րաֆֆին ձայների քիչ տարբերությամբ երկրորդ տեղում կլինի, իսկ Հրանտ Բագրատյանը երրորդ տեղում է, ի դեպ ասեմ՝ նրա ու Րաֆֆիի ձայների տարբերությունը մեծ է լինելու: Րաֆֆի Հովհաննիսյանն ու «Ժառանգությունն» ապացուցեցին, որ իրենք կան»:
Քաղաքագետի կարծիքով՝ ՀՅԴ-ն, ԲՀԿ-ն ու ՀԱԿ-ը ընտրություններից հետո անպայման կաշխատեն, բայց նախագահական ընտրություններից հետո վերականգնվելը շատ դժվար կլինի:
