ԱՄՆ Պետդեպը չի բացառում երկրի արտաքին քաղաքականության առաջխաղացման համար տարբեր կինոընկերությունների ներգրավումը: Այս մասին հայտնում է TASS-ը:
«Մենք աշխատում ենք կամ ավելի ճիշտ է ասել՝ փոխգործակցում կամ շփվում ենք ԱՄՆ ոչ կառավարական կառույցների տարբեր ներկայացուցիչների հետ, որպեսզի նրանց հետ խոսենք մեր առաջնայնությունների մասին,- ուրբաթ օրը ճեպազրույցի ժամանակ նշել է ԱՄՆ արտաքին քաղաքական գերատեսչության մամլո ծառայության ղեկավարի պաշտոնակատար Մարի Հարֆը:- Երբեմն նրանք գալիս են մեզ մոտ, բայց, անկասկած, նկարահանումների, սյուժեի, ֆիլմերի, բեմադրությունների վերաբերյալ նրանց որոշումները, ամեն ինչ կախված է միայն նրանցից»:
Հարֆը նաև նշել է, որ այդպիսի բանակցություններին մասնակցում են «սոցիալական ցանցերի, ժամանցային կազմակերպությունների ներկայացուցիչներ, այլ մարդիկ, որոնց գործունեությունը կառավարության հետ կապված չէ»:
