Ակտոբ քաղաքի շտապ օգնության հիվանդանոցը պետք է վճարի գրեթե 330 դոլար՝ որպես նյութական փոխհատուցում 15-ամյա դպրոցական Բայջան Ալդաշևին, որի մոտ բժիշկները ախտորոշել են «հղիություն»,- հաղորդում են ղազախական լրատվամիջոցները:
Սկանդալային ախտորոշումը իրականացրել են այն հիվանդանոցի ուրոլոգն ու նյարդաբանը, որտեղ նա հետազոտություն է անցել,- հաղորդում է RIA Novosti-ին:
Բժիշկները շփոթել են դեռահասի և կին-հիվանդի անալիզները: Երիտասարդին հղիության դեղահաբեր են տվել: Ծնողները պնդում են, որ նման բուժումից հետո տղայի առողջությունը վատացել է: Ընտանիքը գրեթե 67 հազ. դոլարի հայց է ներկայացրել դատարան:
Դատարանը մասնակիորեն մեղավոր է ճանաչել բժիշկներին և նրանց դատապարտել 330 դոլար տուգանքի:
Ծնողները հայտնել են, որ բողոքարկելու են դատարանի վճիռը, քանի որ տուգանքի չափը ուղղակի ծիծաղելի է:
