Դյուսելդորֆի, Համբուրգի, Քյոլնի օդանավակայաններում գործադուլի հետևանքով 2 օրում հետաձգվել է շուրջ 550 չվերթ: Գործադուլին մասնակցում են անվտանգության ծառայության աշխատակիցները: Այս մասին հայտնում է RIA Novosti-ն:
Չվերթները չեղյալ հայտարարելու հետևանքով տուժել է 50 հազարից ոչ պակաս ուղևոր:
Գործադուլներն սկսվել երեկ՝ ծառայությունների ոլորտի Ver.di արհմիության աշխատակիցների կոչով, ու շարունակվել են նաև այսօր:
Առաջին օրը գործադուլ են արել Համբուրգի և Դյուսելդորֆի օդանավակայանները, իսկ երկրորդ օրը՝ Համբուրգի ու Քյոլնի:
Գործադուլավորները պահանջում են միջինը 30%-ով բարձրացնել աշխատավարձերը: Գործատուի առաջարկը արհմիություններին չի բավարարում:
Ինչպես գործակալության հետ զրույցում հայտնել է Համբուրգի օդանավակայանի աշխատակցուհի Կարեն Շթայնը, երկու օրվա գործադուլի հետևանքով հետաձգվել է ընդհանուր առմամբ 255 չվերթ:
Իր հերթին, Քյոլնի օդանավակայանում պատրաստվում են չեղյալ հայտարարել 100 չվերթ, իսկ Դյուսելդորֆում չեղյալ է հայտարարվել ավելի քան 200 չվերթ՝ 141 թռիչք ու 61 ժամանում:
