Թուրքական Cumhuriyet թերթի հաղորդմամբ, վարչապետ Էրդողանի գլխավորած «Արդարություն և զարգացում» կուսակցությունը (ԱԶԿ) ներկայացրել է իր պատգամավորական թեկնածուների ընտրացուցակը, որում ընդգրկվել է 550 անձ:
Նշվում է, որ նրանց ընտրությունը բարդ է ստացվել, քանի որ սկզբնական շրջանում նրանց ընտրել են 5600 անձանցից, ապա դա կրճատվել է մինչև 1400-ի և վերջապես ընտրվել են 550 թեկնածուներ:
Նրանցից 472-ը տղամարդիկ են, իսկ 78-ը` կանայք: 550 թեկնածուներից 95-ն ունեն 55-ից բարձր տարիք, իսկ 11-ը հաշմանդամներ են:
Հիշեցնենք, որ Թուրքիայում խորհրդարանական ընտրությունները կայանալու են հունիսի 12-ին: Բոլոր կանխատեսումներով, դրանցում երրորդ անգամ անընդմեջ հաղթելու է ԱԶԿ-ն:
Այժմ ԱԶԿ-ն 550 հոգանոց թուրքական խորհրդարանում (ներկայիս տեսքով` 540) ունի 333 ներկայացուցիչ, որոնցից 303-ը (91 տոկոս) տղամարդիկ են, իսկ 30-ը (91 տոկոս) ` կանայք:
