Սերբիայի ՆԳՆ-ը հայտարարել է, որ հանցավոր խմբավորումները փորձում են կառավարական ինքնաթիռն աղետի ենթարկել:
Հատուկ ծառայությունների տվյալներով՝ մաֆիայի ծրագիրը կայանում է նրանում, որ կառավարական ինքնաթիռի սպասարկման գործում ներգրավված մարդկանց օգնությամբ արտասահմանյան այցերի ժամանակ անսարքություններ առաջացնեն, որը կհանգեցնի ինքնաթիռի վթարի, ինչին զոհ կգնան նրանում գտնվող՝ կառավարության առաջին դեմքերը։
Քանի որ բնական պատճառներով հաճախակի են լինում անսարքություններ, ապա դիվերսիայից հետո հետաքննություն իրականացնող մարմինների համար դժվար կլիներ պարզել աղետի իրական պատճառները:
Սպառնալիքների մասին տեղեկատվություն ստանալուց հետո Սերբիայի վարչապետը, ներքին գործերի նախարարը, առաջին փոխվարչապետը, պաշտպանության նախարարը որոշում են կայացրել շարունակել արտասահմանյան այցերը:
Սերբիայի կառավարությանն են պատկանում 1981 թ. արտադրության Falcon-50 և 1991 թ. արտադրության Learjet 31A ինքնաթիռները: Ներկայումս թռիչքների համար հիմնականում գործածվում է առաջինը: Վերջին տարիներին երկու ինքնաթիռներում էլ շատ են եղել մեծ ու փոքր անսարքություններ, որոնք հանգեցրել են սերբ պաշտոնյաների արտասահմանյան այցերի կասեցմանը:
