Իտալիայի նախկին վարչապետ Սիլվիո Բեռլուսկոնին, որը խորհրդարանական ընտրությունների նախաշեմին գլխավորում է աջ կենտրոնամետ կոալիցիան, հանդես է եկել ի պաշտպանություն միջազգային մասշտաբով կոռուպցիայի մեջ մեղադրվող ձեռնարկատերերի: Նրա խոսքով՝ «երրորդ երկրներում» առանց կաշառքի բիզնես վարելն անհնար է:
«Կաշառքը ֆենոմեն է, որը չի կարելի հերքել՝ հատկապես, երբ բանակցություններն ընթանում են երրորդ աշխարհի երկրներում կամ որոշակի ռեժիմների հետ»,- ասել Բեռլուսկոնին հեռուստահարցազրույցում: Այս մասին հայտնում է ITAR-TASS-ը:
Նրա խոսքերը վերաբերել են խոշորագույն արդյունաբերական «Ֆինմեքանիկա» կոնցեռնի շուրջ ստեղծված վիճակին, որի նախագահ Ջուզեպպե Օրսիին Իտալիայի իրավապահ մարմինները ձերբակալել են հնդիկ պաշտոնյաներին կաշառելու համար, որպեսզի նրանք իր հետ կնքեն ուղղաթիռների գնման բազմամիլիոնանոց գործարք:
Բեռլուսկոնին վստահ է, որ իտալական ընկերությունների դեմ անցկացվող բոլոր աղմկալի հետաքննությունները կվնասեն երկրի տնտեսությանը:
