Ավստրալիայի Մելբուռն քաղաքում ավտոմեքենայի վարորդը, ի զարմանս բոլորի, մտել է ուղիղ բար: Բրայթոն շրջանի Mother`s Milk հայտնի բարի այցելուները հազիվ են փրկվել BMW-ով վթարի զոհը դառնալուց:
Ինչպես հայտնում է The Age-ը, դեպքը ֆիքսել է նկարահանող տեսախցիկը, որն արձանագրել է, թե ինչպես է մեքենան սլանում դեպի բարը՝ ամբողջությամբ քանդելով բարի մուտքը:
Ինչպես ավելի ուշ պարզվել է, 31-ամյա վարորդը կորցրել է կառավարումը:
Հայտնի է, որ մեկ տղամարդ դեպքի հետևանքով տուժել է՝ երկու տեղից կոտրվել է նրա ոտքը: Հիվանդանոցում է հայտնվել նաև 29-ամյա մի կին, որի վիճակը բժիշկները կայուն են գնահատում:
Ոստիկանությունում հայտնել են, որ վարորդն ու ուղևորը չեն տուժել: Հաղորդվում է նաև, որ վարորդի արյան մեջ ալկոհոլի առկայություն չի հայտնաբերվել: Հետաքննությունը շարունակվում է:
