Հունահռոմեական ոճի ըմբշամարտի աշխարհի չեմպիոն, Հայաստանի հավաքականի անդամ Արսեն Ջուլֆալակյանն իր ֆեյսբուքյան էջում գրել է.
«Այդքան ծեծված և արդեն տհաճ դարձած Բաքվի խաղերի թեման…
FB-յան էջիս է գալիս Ադրբեջանի հավաքականի կազմում Օլիմպիական չեմպիոն դարձած,ազգությամբ կարծեմ դաղստանցի Շարիպ Շարիպովի հայտարարությունը,թե հայ ըմբիշները չպետք է ՎԱԽԵՆԱՆ Բաքու գալուց,մենք՝ըմբիշներս,ոչ մի անձնական խնդիր չունենք իրար հետ՝չնայած քաղաքական լարված դրությանը…
Հասկանում եմ,որ միգուցե Շարիպովն առանց խորությամբ մտածելու է ասել և միգուցե չի ցանկացել ոչ ոքի վիրավորել,բայց առնվազն ծիծաղելի և ոչ կոմպիտենտ են նրանք,ովքեր իսկապես կարծում են,որ Հայաստանի ըմբշամարտի հավաքականները,թե հունահռոմեական,թե ազատ ոճի,վախենում են ինչ-որ մի երկրում մրցելուց…
Կրկնում եմ,որ ավելի հասկանալի լինի. վախեցողները 2007-ին էլ չէին գնա։ Հիմնական պատճառը ըմբիշների չմասնակցության աշխարհի վարկանիշային առաջնությունն է,որը ժամկետային առումով շատ մոտ է Բաքվի խաղերին։
