Մեդիահսկաների հետ գործընկերային հարաբերությունների զարգացման հետ միաժամանակ՝ Facebook-ն իր համար աճի հեռանկարներ է որոնում գրականության, կինոյի ու ֆիթնես-գործիքների շուկայում: Սոցցանցի զարգացման բաժնի ղեկավար Դեն Ռոուզը սոցիալական հսկայի հավելվածների էկոհամակարգի ապագան տեսնում է հենց այդ ոլորտներում՝ գրում է Vesti.ru-ն:
Նշվում է, որ երբ Facebook-ը սկսեց գործարկել հավելվածները, ընկերության բիզնեսի համար առանցքային դարձան խաղերը: Այն ժամանակ գերիշխող էին Zynga տիպի ընկերությունները:
Տվյալ պահին սոցցանցի խաղային ինդուստրիան մնում է եկամտաբեր բիզնես, և սոցցանցի ղեկավարությունը միլիարդավոր դոլարներ է տվել մշակողներին, սակայն այդ շուկայում «խաղալն» այդքան էլ հեշտ չէ:
Ռոուզը վստահ է, որ կսկսվի հայտնիության հաջորդ ալիքը՝ շնորհիվ կոնտենտի գեներատորի, այն է՝ մեդիակորպորացիայի նորությունների միջոցով: Այսպես. պարզվել է, որ օգտատերերը միմյանց հետ կիսվում են մեծ քանակությամբ հոդվածներով ու լուրերով, որին հաջորդում է երաժշտությունը:
Ռոուզը նշել է, որ երաժշտությունը սոցիալական է դարձել շնորհիվ Facebook-ի՝ օգտատերերի համար ավելի հեշտ է դարձել իրենց համար նորը բացահայտել, քանի որ ընկերները կիսում են միմյանց հետ այն, ինչ իրենք են լսում:
Նա հայտնել է, որ կոնտենտի նոր ալիք կդառնան ֆիլմերը, գրքերն ու ֆիթնես-հավելվածները: Կինոարդյունաբերության մեջ խոշորագույնը համարվող Netflix-ը վերջերս գործարկել է կոնտենտով «կիսվելու» հնարավորություն:
Ինչ վերաբերում է գրականությանը, ապա սոցցանցը հետաքրքրված է GoodReads-ի տիպի հավելվածներով, որոնք օգտատերերին հնարավորություն են տալիս միմյանց հաղորդել հետաքրքիր գրական նորություններ:
