Վանա լճի Աղթամար կղզին սպառնալիքի տակ է հայտնվել ճագարների պոպուլյացիայի աճի պատճառով։ Ճագարների թվի էական աճը վտանգ է ներկայացնում փոքր կղզու միակ կառույցին՝ Սուրբ խաչ եկեղեցուն: Այս մասին հաղորդում է թուրքական The Daily Sabah թերթը։
Թուրքիայի իշխանությունները դիմում են թակարդների տեղադրման միջոցին՝ զսպելու նրանց թվաքանակի աճը։ Կենդանիները վնասում են բուսականությունն ու եկեղեցու պատերը։
Ճագարները, որոնք տարիներ առաջ բաց էին թողնվել չբնակեցված կղզի, արագ բազմացել են։ Ակադեմիկոսների, բնության ակտիվիստների ու տեղացի պաշտոնյաների պատվիրակությունն ուսումնասիրել է իրավիճակն ու զեկույց պատրաստել՝ փաստելով, որ բումը ռիսկային է կղզու համար։ Զեկույցում նշվում է նաև տեղի նուշի ծառերի պոպուլյացիայի դիվեսիֆիկացման ու ցանկապատերի վերանորոգման անհրաժեշտությունը՝ ուղղված տեղի թռչունների բներին մարդկանց հասանելիության կանխմանը ու կղզու բնության պահպանմանը։
Թակարդները կտեղադրվեն էկոհամակարգը հավասարակշռության բերելու համար։ Ջանքերը կշարունակվեն ողջ ամառ։
