«Առաջին լրատվական»-ի զրուցակիցն է ազգագրագետ Հրանուշ Խառատյանը:
–Վերջին մեկ ամսվա ընթացքում Հայաստանում ներքաղաքական զարգացումները հետաքրքիր փուլ թևակոխեցին: Շատերն ասում էին, որ սա անմիջական ճնշում էր Գագիկ Ծառուկյանի և ԲՀԿ-ի նկատմամբ, իշխանությունը մեկ օրում կարողացավ չեզոքացնել այդ ուժն ու նրա լիդերին: Այնուամենայնիվ, այսօր, որքան էլ զարմանալի է, նրա փեսան դարձավ Կոտայքի մարզպետ: Սրանք քաղաքական հաշվարկնե՞ր են, ի՞նչ էր տեղի ունեցածը՝ Ձեր կարծիքով։
–Միշտ կասկածել եմ, թե կոնկրետ Գագիկ Ծառուկյանի անձի դեմ ուղղված գործողություններ էին: Վստահ եմ եղել, որ այդ գործողություններն ուղղված էին երրորդ ուժերի չեզոքացմանը: Տվյալ դեպքում երկուսի մասին էլ կարելի է խոսել՝ թե՛ քոչարյանական, թե՛ տեր-պետրոսյանական, և կարծում եմ, որ Գագիկ Ծառուկյանի հետ հիմա հարաբերությունները պետք է գնան մի քիչ սիրաշահման, «խաթրը առնելու» համար, մեղմ ասած, և անձնական հարաբերությունները պահելու անհրաժեշտ բարձունքի վրա, որն ուղղված չի և, կարծում եմ, առաջիկայում երբեք ուղղված չի լինելու հարստության դեմ, իշխանության լծակներն օգտագործելով տնտեսական գործունեության դեմ: Սրանք միշտ կմնան, եթե այդ գործատերն անձամբ իր հարաբերություններն իշխանության հետ պահում է ընդունված մակարդակի վրա: Ընդունված մակարդակը թե՛ տնտեսական, թե՛ քաղաքական համաձայնություններն են՝ որպես կանոն: Կարծում եմ, որ Ծառուկյանն ինքն արդեն գնացել է համաձայնությունների այն մակարդակին, որ հարկավոր է արդեն իր «խաթրն առնել»:
–Այսինքն, ըստ էության, ինտրիգ կամ դրա նման մի բան չկա՞ր, սրանք ընդամենը քրեաօլիգարխիկ համակարգի խաղի կանոննե՞րն էին:
–Ես կարծում եմ, որ քաղաքական բան կար այս ամենի մեջ։ Ես հենց դրանից էլ սկսեցի: Պետք էր քաշել հողը կամ նվազեցնել պատվանդանը երրորդ ուժի տակից՝ ո՛չ իշխանություն, ո՛չ ընդդիմություն, այլ, կրկնում եմ, Ռոբերտ Քոչարյանի և մասամբ Լևոն Տեր-Պետրոսյանի հնարավոր հավակնությանն ի պատասխան: Լևոն Տեր-Պետրոսյանը, որը փորձում էր հարթակը Գագիկ Ծառուկյանի միջոցով մի փոքր իմաստափոխել, նաև ընդլայնել իր հարթակը, և Ռոբերտ Քոչարյանը, ով Գագիկ Ծառուկյանի միջոցով, ԲՀԿ-ի հետևում նախապատրաստում էր, գուցե հիմա էլ նախապատրաստում է, չգիտեմ, իր առաջիկա իշխանության խնդիրը լուծել:
Ավելին՝ տեսանյութում:
