Ձևավորված ավանդույթի համաձայն, մայրաքաղաքի Ավան վարչական շրջանի Սուրբ Աստվածածին եկեղեցու բակում նշվել է Սուրբ Զատկի տոնը: Եկեղեցում մատուցված Պատարագից հետո, բնակիչների հետ միասին, Ավան վարչական շրջանի ղեկավար Մանվել Ջավադյանը և ՀՀ ԱԺ պատգամավոր Ռոբերտ Սարգսյանը եկեղեցու բակում տոնի առիթով բացված ծիսական փոքրիկ սեղանների շուրջ են հավաքվել և եկեղեցու հոգևոր հովիվ Տեր Հարություն քահանա Ավագյանի Տերունական աղոթքից և օրհնության կարգից հետո, շնորհավորել են ներկաների Սուրբ Զատիկը:
Այնուհետ Մանվել Ջավադյանը և Ռոբերտ Սարգսյանը այցելել են նաև հին Ավանի Սուրբ Ծիրանավոր խոնարհված եկեղեցու հարակից տարածք ու հարյուրավոր ավանցիների հետ միասին նշել են Սուրբ Զատիկը:
Օրն առավել տոնական են դարձրել ազգագրական երգ ու պարի համույթները, որոնք իրենց կատարումներով ողջունել են ներկաներին: