Սլովենիան կարող է խոչընդոտել ԵՄ ընդլայնմանը: Լյուբլյանան չի շտապում վավերացնել Խորվաթիայի անդամագրումը Եվրոպական միությանը: Սլովենիայի և Խորվաթիայի արտգործնախարարները կկարողանային համաձայնության գալ 20-ամյա վաղեմության բանկային վեճի շուրջ, որը սպառնում է արգելափակել Խորվաթիայի՝ ԵՄ անդամակցության մասին պայմանագիրը: Սլովենիայի խորհրդարանում կոռուպցիոն սկանդալի պատճառով տիրող անկայուն իրավիճակը սպառնում է նոր խոչընդոտ դառնալ պայմանագրի վավերացման ճանապարհին: Այս մասին հայտնում է Kommersant-ը:
Մինչ օրս Սլովենիայի Ljubljanska բանկում, որը սնանկացել է 1990-ականների սկզբին, հարյուր հազարավոր խորվաթ ավանդատուների խնայողությունների ճակատագիրը Սլովենիան հրաժարվել է քննարկել՝ միջազգային արբիտրաժային դատարան դիմելու հավակնություններ ներկայացնելով:
Լյուբլյանան ծրագրել է այնտեղ ուղարկել հայցեր՝ խորվաթական ընկերությունների՝ բանկին ունեցած պարտքերի պատճառով: Ֆինանսական հակամարտությունը սրվել էր անցած ամռանը, երբ Սլովենիան հանդես եկավ Խորվաթիայի մուտքը ԵՄ արգելափակելու սպառնալիքով, եթե Զագրեբը հետ չկանչի դատական հայցերը:
Խորվաթիայի մուտքը ԵՄ ծրագրված է հուլիսի 1-ին, որը կարող է չկայանալ, եթե անդամ 27 երկրներից որևէ մեկը հրաժարվի պայմանագրի վավերացումից: Այն արդեն վավերացրել են 22 երկրներ: Սլովենիային շտապելու կոչեր են արել ԱՄՆ-ն ու Բրյուսելը:
