Խորհրդավոր անծանոթը Ճապոնիայի ոստիկանության հետ անցյալ տարվա օգոստոսից «մուկնուկատու» էր խաղում, սակայն վերջ ի վերջո նրա հանելուկներից մեկի միջոցով դուրս են եկել հանցագործի հետքի վրա:
Անցյալ տարվա ամռանը մի քանի հաստատությունների և վիրտուալ հայտարարությունների կայքերի էլեկտրոնային փոստերին սպառնալիք պարունակող նամակներ էին փոխանցվել: Դրանց թվում էին կոմիքսների փառատոնն ու մանկապարտեզը, որտեղ հաճախում է 6-ամյա իշխան Խասախիտոն` Ճապոնիայի կայսերական գահի կրտսեր ժառանգը: Նամակների տարածման կասկածանքով 4 մարդ ձերբակալվել էր, որոնց համակարգիչներից ուղարկվել էին այդ սպառնալիքները: Սակայն, այնուհետև ԶԼՄ-ներում հայտնվեցին նամակներ, որտեղ իսկական հանցագործը շնորհակալություն էր հայտնել ոստիկանությանը իրեն ուրախություն պարգևելու համար և խոստովանել էր, որ իրական հանցագործը ինքն է։
Քննությամբ պարզվել էր, որ ձերբակալվածների համակարգիչները նախօրոք ինչ-որ վիրուսով էին վարակվել, այնուհետև առանց տիրոջ գիտության դրանցից էլեկտրոնային նամակներ էին ուղարկվել:
Հանցագործը խաղում էր ոստիկանության հետ: Նշում էր, որ շուտով ինքնասպանություն է գործելու կամ խոստանում էր նոր խնդիր առաջադրել ոստիկաններին: Այնուհետև նա հանելուկ էր առաջարկել ոստիկաններին, որի հաջող լուծման պարագայում էկրանին կատու պետք է հայտնվեր, որի վզի կապիչին ամրացված էր SD-քարտ, որի վրա էլ ձայնագրված էր վերոնշյալ վիրուսը, որպես ապացույց: Ոստիկանությունը կատվին հայտնաբերել էր և սկսել էր շրջակայքում գտնվող տեսաերիզների ուսումնասիրությունը։ Այնտեղ պատկերված իրերի ու կառույցների շնորհիվ հնարավոր էր դարձել պարզել այն մարդուն, ով ինչ-որ բան էր ամրացրել կատվի վզի կապիչին. պարզվել էր նաև նրա մոտոցիկլետի համարը:
Արդեն հայտնի է, որ ձերբակալված Յուսկե Կատայամայի հեռախոսում պահպանվել, այնուհետև ջնջվել են կատվի նկարները, ինչպես նաև մամուլի տեղեկատվությունները 4 ձերբակալվածների մասին: Ոստիկանությունը քննությունը շարունակում է:
