Երևանի ավագանու «Բարգավաճ Հայաստան» խմբակցությունը լքած Գրիգորի Եսայանն այսօր իր որոշումը բացատրեց նրանով, որ ուզում է ավելի ազատ լինել. «Ես ուզում եմ ինքնուրույն լինեմ»։
Ի պատասխան «Առաջին լրատվական»-ի հարցի՝ մինչ այդ կաշկանդո՞ւմ էր Ձեզ ԲՀԿ խմբակցության անդամ լինելու հանգամանքը, Եսայանն ասաց. «Ոչ մի բան ինձի… Ինքն այլընտրանք էր, բայց դառավ ընդդիմություն, բայց մեր քաղաքապետի գործունեությունը ինձի դուր ա գալի, ես չեմ կարա ընդդիմադիր լինեմ»:
Նա նշեց, որ Ծառուկյանի կողմից խմբակցությունից դուրս գալու հրահանգ չի ստացել:
Իսկ մեր այն հարցին, թե հնարավո՞ր է՝ առաջիկայում անդամակցի ՀՀԿ խմբակցությանը, Եսայանն արձագանքեց. «Կյանքը ցույց կտա, ես ոչ մի բան չեմ բացառում և ոչ մի բան հստակ չեմ կարա ասեմ հիմա»:
