Ճապոնիայում տղամարդիկ ավելի շատ են հրաժարվում ամուսնություններից և ոչ ոքի հետ չեն ցանկանում սեռական հարաբերություններ ունենալ: Այդ տղամարդիկ իրենց «բուսակերներ» են համարում, ովքեր վայրի գազանների հակապատկերն են, գրում է Forbes Казахстан-ը:
«Բուսակերները» գտնում են, որ այն դերը, որը ավանդաբար տղամարդկանց է պատկանում, շատ ծանր է իրենց համար: Օրինակ, նրանց անհասկանալի է, թե ինչու պետք է տղամարդը առաջինը սեր խոստովանի կամ իր վրա վերցնի ֆինանսական ծախսերը և ապահովի ապագա ընտանիքը: «Բուսակերները» ընդհանրապես համաձայն չեն այն կարծիքի հետ, որ պետք է սեքսով զբաղվել այն ժամանակ, երբ կինը ցույց է տալիս, որ դեմ չէ:
Ճապոնիայի կառավարությունը սկսել է անհանգստանալ այդ գաղափարների պատճառով, քանի որ այն կարող է երկրում ծնելիության նվազեցման հանգեցնել: Ընդ որում՝ այդպես մտածող տղամարդկանց քանակն աճում է:
Սակայն այս մեդալը ուրիշ երես էլ ունի: Հնարավոր է, այս տղամարդկանց մի մասը ոչ ավանդական սեռական կողմնորոշում ունի:
Բանն այն է, որ ճապոնական հասարակությունում ավելի հեշտ է ասել, որ դու սեռական հարաբերություններ չունես, քան հայտարարել ոչ ավանդական սեռական կողմնորոշում ունենալու մասին: