Ուկրաինայի նախկին նախագահ Վիկտոր Յանուկովիչի ոսկե բոքոնի գտնվելու վայրն անհայտ է, գրում է korrespondent.net-ը:
Այս մասին «Պյոտր Պորոշենկոյի բլոկ»-ից պատգամավոր Դմիտրի Դոբրոդոմովի հարցմանը պատասխանել է Ուկրաինայի գլխավոր դատախազությունը:
«Ես պատասխան եմ ստացել այն մասին, որ հայտնի ոսկե բոքոնի գտնվելու վայրն անհայտ է: Իրականում այն գողացել են: Ո՞վ՝ սա է հարցը»,- պատմել է պատգամավորը:
Նրա խոսքերով՝ ինքը նախկին նախագահի նստավայրից վերցված իրերի ցուցակ ունի, որոնք, ինչպես պարզվել է, նույնիսկ չեն էլ բռնագրավել: Դրանք միայն հեռուստացույցով են ցուցադրել:
Պատգամավորը խոստացել է հետամուտ լինել այն հարցին, թե ովքե՞ր են պատասխանատու դրա համար:
Ինչպես հայտնի է, բնական մեծության ոսկե բոքոնը և ոսկե այլ ապրանքներ հայտնաբերվել էին Վիկտոր Յանուկովիչի նստավայրում այն բանից հետո, երբ նա փախել էր երկրից:
