Վերջին 13 տարիներին աճուրդներում վաճառված հանրահայտ մարդկանց ամենաթանկ 10 ձեռագրերի Forbs-ի ցուցակի առաջին հորիզոնականում բասկետբոլի խաղի կանոններն են՝ գրված խաղը ստեղծող դոկտոր Ջեյմս Նեյսմիթի կողմից: 2010 թվականի դեկտեմբերին Նյու Յորքում խաղի ամենաառաջին կանոնների մասին երկու թերթիկները վաճառվել են 4.3 մլն դոլարով: Այն մասնագետները գնահատել էին առավելագույնը 2 միլիոն դոլար: Այս մասին հայտնում է Newsru.com-ը:
Անդրեյ Տարկովսկու արխիվը, որն աճուրդում վաճառվել է մեկնարկային գնից 15 անգամ թանկ, տասնյակում զբաղեցնում է երկրորդ տեղը: Forbs ամսագրի կազմած վարկանիշային տասնյակում տեղ է գտել նաև Պուշկինի «Երանի նրան, ով ծանոթ է վայելքներին» ձեռագիր բանաստեղծությունը (322.8 հազար դոլար):
Երրորդ տեղում Լյուդվիգ վան Բեթհովենի օպերա 127-ի լարային քառյակի 32 էջանոց ձեռագիր սկերցոն է, որը վաճառվել է 2 մլն դոլարով: Կոմպոզիտորն այն գրել է 1825 թվականի սկզբին:
Հնգյակում են Ջեյն Օսթինի «Ուոթսոնները» անավարտ վեպը (1.6 մլն դոլար) և Ռոբեսպիերի արխիվը (1.29 մլն դոլար):
Տասնյակում են ընդգրկված նաև Ջոն Լենոնի գրած A Day in the Life երգի ձեռագիրը (1.2 մլն դոլար ) և Միքելանջելոյի ձեռագիրը (576 հազար դոլար):
