WhatsApp մեսենջերի օգտատերերն առաջին անգամ չէ, որ հանդիպում են ցանցահենների՝ ծառայության ճանաչումը օգտագործելու ձգտմանը: Սակայն այս անգամ սպառնալիքը լուրջ է. մարդկանց համակարգիչներում տեղադրվել են տրոյաններ, որոնք գողանում են բանկային տվյալները՝ հայտնում է hitech.vesti.ru-ն:
Մեքենայության սխեման զարմանալիորեն պարզ է եղել: Օգտատերերին էլեկտրոնային փոստով նամակներ են ուղարկվել WhatsApp-ի համար դեսքթոփի կլիենտ ներբեռնելու առաջարկով: Սակայն նամակի հղումը տարել է ոչ թե WhatsApp-ի պաշտոնական կայք, այլ ուրիշ հարթակ: Ինչ-որ «հաճախորդ» ներբեռնելով՝ օգտատերը ստացել է Win32/TrojanDownloader.VB.QRM տրոյան-ներբեռնիչը:
Այդ տրոյանը գաղտնի համակարգիչ է ներբեռնել այլ վնասակար ծրագիր՝ Win32/Spy.Banker.ABOD: Այն լուրջ վտանգ է ներկայացնում, քանի որ կարող է գողանալ մուտքանուններն ու գաղտնաբառերը:
Հանցագործների սխեման բացահայտել են ESET լաբորատորիայի մասնագետները: Ընկերության փորձագետները խորհուրդ են տալիս անտեսել կասկածելի նամակները, բրաուզերի հասցեների տողում ստուգել վեբ-կայքերի անունները և ծրագրային ապահովումներ ներբեռնել միայն պաշտոնական հարթակներից:
Հիշեցնենք՝ ավելի վաղ WhatsApp-ի օգտատերերը բախվել են նրան, որ հանցագործները նրանց գրանցել են վճարովի SMS-ծառայությունների:
