Եկատերինբուրգում անհայտ անձինք ներխուժել են սեփական տուն, որտեղ բնակվում են ներգաղթյալներ, ծեծել և կրակել են նրանց վրա,- հաղորդում է Սվերդլովսկի մարզի ՆԳՆ վարչության կայքը:
Ավազակային հարձակումը հետաքննում է Սվերդլովսկի ոստիկանությունը: Երկուշաբթի լույս երեքշաբթի գիշերը չարագործները ներխուժել են Խիմաշ միկրոշրջանի Դոլմատովի փողոցում գտնվող սեփական տուն, ծեծել են այնտեղ բնակվող աշխատողներին և հափշտակել նրանց փողերն ու իրերը:
Հարձակման հետևանքով մի քանի մարդ վիրավորվել են տրավմատիկ զենքից: Հաղորդվում է, որ վնասվածքները լուրջ չեն եղել, անհրաժեշտ բժշկական օգնություն ստանալուց հետո տուժածները տուն են վարդարձել:
Հանցագործները հափշտակել են ավելի քան 100 հազար ռուբլի, երկու բջջային հեռախոս և տուժածներից մեկի բաճկոնը:
Տվյալ փաստով հարուցվել է քրեական գործ ՌԴ քրեական օրենսգրի 162-րդ հոդվածով (կողոպուտ):