Նիգերիայում ամբոխը Լինչի դատաստանի է ենթարկել դեռահաս աղջկա, ում կասկածել են ինքն իրեն պայթեցնել ցանկանալու մտադրության մեջ՝ հաղորդում է Associated Press-ը:
Միջադեպը տեղի է ունեցել Բաուչի քաղաքում մարտի 1-ին: Երկու աղջիկներ, որոնց տարիքը չի հաղորդվում, հրաժարվել են ստուգում անցնել բանջարեղենի շուկա մտնելուց առաջ: Ամբոխը բռնի ուժով ստուգել է երկու աղջիկներին և նրանցից մեկի վրա կապված շշեր է հայտնաբերել: Չի հաղորդվում, արդյո՞ք, դրանց մեջ պայթուցիկ նյութ եղել է , թե՞ ոչ: Շուկայի այցելուները նրան դաժանորեն ծեծել են, այնուհետև ավտոմեքենայի ակ հագցրել, բենզին լցրել ու այրել: Երկրորդ աղջկան ձերբակալել են:
Տեղի ոստիկանությունում կասկածում են, որ զոհվածը մահապարտ է եղել, քանի որ նա չի պայթել, երբ իր վրա հարձակվել են:
