Իրանի նախագահ Մահմուդ Ահմադինեժադը հաջորդ շաբաթ կայցելի Կահիրե: Այդպիսով նա կդառնա Իրանի առաջին նախագահը, ով 1979թ.-ից հետո կժամանի Եգիպտոս:
Հիշեցնենք, որ Իրանի Իսլամական հեղափոխության հաղթանակից հետո Մերձավոր Արևելքի ամենախիտ բնակեցված երկու երկրների միջև դիվանագիտական հարաբերությունները խզվել էին:
Ահմադինեժադը կգլխավորի Իսլամական համագործակցության կազմակերպության գագաթնաժողովի իրանական պատվիրակությունը: Գագաթնաժողովը կայանալու է Կահիրեում:
Նախատեսվող այցի մասին հաղորդել է Մոջաբա Ամանին, որը, այսպես ասած, Իրանի հարցերով Կահիրեի ներկայացուցիչն է:
«Ես հույս ունեմ, որ իրանա-եգիպտական հարաբերությունները նոր դիվանագիտական մակարդակի կհասնեն»,- ասել է Ամանին Reuters-ին: