Մերձմոսկովյան ոստիկանությունը թմրանյութերի հայտնաբերման փաստով քրեական գործ է հարուցել «օրենքով գող» «Ջեմո» մականունով հայտնի Ջեմալ Միկիլաձեի նկատմամբ, հայտնում է RIA Novosti-ն:
Միկիլաձեն ձերբակալվել էր փետրվարի 1-ին Մերձմոսկովյան Օդինցովոյի շրջանի Սոլոսլովո գյուղում:
Նրան ձերբակալելու օպերացիան իրականացվել էր տեղի ոստիկանների ու Անվտանգության դաշնային ծառայության համատեղ ուժերով:
Ինչպես արդեն տեղեկացրել էինք, շինությունում, որտեղ կանգ է առել Ջեմոն, հայտնաբերվել է երկու նռնակ, 4-5 գ դարչնագույն փոշի: Իրավապահ մարմիններում աղբյուրի փոխանցմամբ՝ փորձաքննությունը հաստատել է, որ վերոնշյալ նյութում եղել է 0,37 գրամ կոկաին:
1975թ. ծնված Ջեմալ Միկիլաձեն ծնունդով Հարավային Օսեթիայից է, համարվում է «օրենքով գող» Ասլան Ուսոյանի («Դեդ Հասան») թշնամիներից մեկը:
Դեդ Հասանը սպանվել է հունվարի 16-ին Մոսկվայի կենտրոնում ռեստորանից դուրս գալիս: ԶԼՄ-ներում շրջանառվող վարկածի համաձայն՝ Դեդ Հասանի սպանության պատվիրատու կարող էր հանդես գալ հենց Ջեմոն: