Սրտանոթային հիվանդությունների թիվն ամբողջ աշխարհում ավելացել է` կազմելով մահացությունների գրեթե 57 տոկոսը, ինչը պայմանավորված է մեր ապրելակերպով: Ավելին, սրտանոթային հիվանդությունները ավելի տարածված են զարգացած երկրներում, որտեղ գերիշխում են մրցակցությունը, սթրեսները, նստակյաց կյանքը, վատ սովորություններից կախվածությունը: Իսկ ոչ զարգացած երկրներում, քանի որ աշխատանքային ծանրաբեռնվածություն մեծ է, սրտանոթային հիվանդություններն ավելի քիչ են տարածված»,- այս մասին այսօր հրավիրված ասուլիսի ընթացքում ասաց «Դիագնոստիկա» բժշկական միավորման սիրտ-թոքային կլինիկայի ղեկավար Մարինե Օրդյանը: Նա նաև տեղեկացրեց, որ կա կանխարգելիչ և բուժող բժշկություն: Կանխարգելիչ բժշկության դեպքում ավելի հեշտ է բուժումը, այսինքն՝ մարդկանց պետք է տրամադրել, որ ավելի դրականորեն տրամադրվեն կյանքի բոլոր դժվարություններին, ակտիվ ապրելակերպ վարեն, իսկ բուժող բժշկության դեպքում արդեն խնդիրները շատանում են, իսկ բուժման հավանակությունը՝ նվազում, քանի որ սրտանոթային հիվանդությունները իրենց զգալ են տալիս, երբ հասնում են որոշակի փուլի, և արդեն կանխարգելիչ բուժումը չի օգնի, այլ պետք է դիմել բուժող բուժօգնության, որը ոչ միշտ է ցանկալի արդյունքների հասցնում:
Ասելով, թե պատահական չէ, որ առողջության և մայրության ու գեղեցկության օրերը համընկել են, Մարինե Օրդյանը նկատեց, որ ցանկացած ընտանիքի երջանկությունը կախված է կնոջ առողջությունից:
